كان الامل اني مع الوقت بنساك
ياما نسيت امالي ولا نسيتك
واليوم يا بعدك و ياصعب لقياك
لكن ابحث عنك لا من بكيتك
قد قالوا ان الحي مع دور الافلاك
عينه تشوف الحي وينك بغيتك
اعيش هذا الحاضر بضل ذكراك
غصب على تطري لو ما طريتك
وليا طريت اسلى وافتش هداياك
واعيش واتذكر وش الى هديتك
انا فاقده مصافحه كف يمانك
وانا عشقت اول مكان التقيتك
وش حيلتي عمري مضى وانا اتحراك
وش حيلتي وانا الذي ما رويتك
وجِدي على شوفك وقربك ولا ماك
ولبيه فاقدها ليا من دعيتك
يا ليت وقتي يا هوا البال وياك
عمري مضى وانا اقول ليتك
ما اقول غير الله يحفظك ويرعاك
والله يصبرني اليا شفت بيتك
